VIONGOZI WAPYA WA 2015 KANISA KAMUNYONGE WATAJWA

Kanisa Kuu la Waadventista la Wasabato la Kamunyonge katika Jimbo la Mara limewapata viongozi wake wapya watakaoliongoza kanisa kwa mwaka 2015 huku majina kadhaa yakipanda kwenye nyadhifa za juu na mengine kuhama nafasi moja kwenda nyingine.

Kwa mujibu wa taarifa ya baraza la uchaguzi, aliyekuwa Katibu wa Kanisa kwa miaka mitatu mfululizo Davis Mafuru amepanda na kuwa miongoni mwa Wazee watano watakaoshika hatamu hapo mwakani wakati Mkuu wa Majengo wa 2014 Josiah Magomere akirejea tena kuwa Mzee wa kanisa baada ya kushika wadhifa huo kwa vipindi tofauti tofauti hadi 2013.

Wazee wengine ni pamoja na Emmanuel Sabayi aliyerejeshwa katika wadhifa huo baada ya kuutumikia kwa vipindi tofauti hadi mwaka 2010,Nuhu Kigua anayeendelea kwa miaka mitatu sasa sambamba na Selemani Wambura ambape pia amewahi kushika wadhifa huo katika  miaka ya hivi karibuni.

Baada ya kuiongoza idara ya Uwakili kwa miaka mitatu mfululizo, Mkuu wa idara hiyo Asheri Mukama  sasa anahamia idara ya Majengo iliyoachwa wazi na Josiah Magomere aliyepanda kuwa Mzee  wa kanisa ambapo idara ya Shule Sabato itaendelea kuwa chini ya Mkurugenzi wake  Peter Robert Mugusi Sogoto mbaye pia atakuwa Katibu wa idara ya Majengo.

Mkuu wa Majengo wa mwaka 2011 hadi 2013 na Mkuu wa Miradi ya Kwaya ya Kanisa kwa mwaka huu wa 2014, Bigambo Jeje amepewa kuongoza idara mbili za Taaluma na Wajasiriamali (ATAPE) sambamba na ile ya Mawasiliano kama mkuu wa idara hizo kwa mwaka 2015.

Aliyekuwa Mkuu wa Mawasiliano mwaka huu Theodori John amepanda kuwa Katibu wa kanisa kuchukua nafasi ya Mafuru aliyekuwa miongoni mwa Wazee wakati Katibu wa idara ya Uwakili kati ya 2012 na 2014 Wema Nyakutonya anaenda kuongoza idara za Wana wa Kike na Walemavu huku Diana Nico akipanda kuwa Shemasi Mkuu wa Kike akisaidiana na mkongwe wa idara hiyo Yohana Chiama aliyerejea kushika wadhifa wa Shemasi Mkuu wa Kiume.

Baraza hilo la uchaguzi limemchagua Nashon Otieno maarufu kwa jina la “Wakudumu” aliyeongoza kanisa hilo katika nyadhifa mbalimbali tangu mwaka 1982 kwenda kuongoza idara ya Uwakili ilyoachwa wazi na Asheri Mukama huku nafasi yake ya idara ya Huduma za kanisa anayomalizia mwaka huu ikishikwa na Elizabeth Joliga aliyehamishwa toka idara ya Doricas.

Wengine waliochaguliwa na nafasi zao zikiwa kwenye mabano ni Asheri Mukama (Mkuu wa Kwaya), Epaineto Mujaya (Muziki), Pharesi Kauswa anayeendelea kuwa Mweka Hazina wa Kanisa, Mashaka Nyangero Lugembe(Mazingira), Monica Sauli (idara ya Uchapaji) Joyce Mujungu (Uinjilisti).

MWISHO.