Na Bigambo Jeje,Musoma
Watu
wapatao 36 wamefariki dunia mkoani Mara baada ya mabasi mawili ya abiria
kugongana uso kwa uso eneo la Sabasaba siku ya Ijumaa Septemba 5 mwaka huu nje kidogo ya Manispaa ya
Musoma huku ajali hiyo ikisababisha majeruhi79
Baadhi ya
majeruhi katika ajali hiyo ni waandishi wa habari wawili wa mkoani Mara
Frolence Focus wa gazeti la Mwananchi na Pendo Mwakyembe wa kituo cha redio cha
Victoria Fm cha mjini Musoma ambao wote wamelazwa katika hospitali ya serikali
ya mkoa wa Mara iliyopo mjini hapa.
Wakizungumzia tukio hilo mashuhuda wa
ajali hiyo iliyohusisha basi la Mwanza coach lililokuwa likitokea Musoma kwenda
Mwanza na basi la J4 likitokea Mwanza kwenda Sirari ambayo namba hazikuweza kufahamika mara moja kugongana uso
kwa uso majira ya saa 5 asabuhi.
Walisema mabasi hayo ambayo yote
yalikuwa kwenye mwendo kasi yalikutana kwenye daraja dogo katika eneo hilo huku
pia gari dogo aina ya Land Cruiser likitaka kuovateki na hivyo kupelekea kutokea
kwa ajali hiyo.
Mmoja wa mashuhuda hao aliyejitambulisha
kwa jina la Juma Nyamhanga alisema alisikia kishindo kikubwa muda mfupi baada
ya kutokea kwa ajali hiyo na baadae kusikia vilio vikitokea ndani ya mabasi
hayo.
“Kwa kweli ni ajali mbaya sana ambayo
sijapata kuiona kwenye maisha yangu,magari haya yamekutana eneo la daraja na
pia kulikuwa na gari dogo eneo hilo nadhani kila moja lilitaka kupita eneo hilo
na kujikuta yamegongana na kuongeza kuwa,
“Hili basi la Mwanza coach lilikuwa
likitokea Musoma na J4 lilikuwa likitokea Mwanza na yalikuwa kwenye mwendo kasi
nadhani hiyo ilikuwa ni sababu kubwa ya kutokea kwa ajali hiyo”.
Mganga
mkuu wa mkoa wa Mara Dk Samsoni Winani amethibitisha kutokea kwa ajali hiyo
iliyohusisha mabasi mawili ya abiria ya Mwanza Coach na J4 Express na
kupokelewa kwa miili ya watu waliokufa na wale waliojeruhiwa katika ajali hiyo iliyotokea
saa 5 asubuhi wakati mabasi hayo yakitokea kati ya miji ya Mwanza na Musoma.
Dk Winani
amewataja baadhi ya waliofariki katika ajali hiyo kwamba ni pamoja na Dk
Anatoria Ntangeki wa hospitali ya serikali ya mkoa wa Mara na mfanyakazi wa
idara ya kilimo na mifugo mkoani Mara Juma Sayi Mambina waliofia hapo hapo
kwenye ajali.
Hata hivyo
amesema bado miili ya watu wengine 27 waliofariki dunia katika ajali hiyo
haijatambuliwa na ndugu,jamaa na marafiki wao sanjari na majeruhi wengine 46
kwa kile alichosema taarifa rasmi itatolewa na ofisi yake hapo baadaye baada ya
kutoa huduma za tiba kwa majeruhi.
Maelfu ya
kwa maelfu ya wakazi wa katika Manispaa ya Musoma wamemwagika katika hospitali
ya serikali ya mkoa wa Mara ilipo miili ya watu waliokufa na majeruhi wa ajali
kwenda kushuhudia watu waliohusishwa ajalini huku vilio,majonzi na simanzi
vikizizima kila kona na kila upande na baaadhi yao wakizimia baada ya kupata
taarifa za familia zao.
Mama mmoja
mwenye umri wa kati ya miaka 40 na 50 ambaye jina lake halikufahamika mapema
alisikika akilia kuwa amepoteza watoto wake wawili waliokuwa wakisafiri kuelekea
jijini Mwanza kwenye sherehe ya harusi waliokuwa abiria wa basi la Mwanza Coach
lililokuwa likitoka Musoma kwenda jijini humo.
Ajali
nyingine kubwa kutokea katika eneo hilo na kupoteza maisha ya watu ilitokea
mwaka 1995 ambapo ilihusisha basi la Busigasore lenye nambari za usajili TZD
3444 aina ya Isuzu liligonga gari dogo na kupinduka mji mdogo wa Kiabakari na
kuua watu 35 hapo hapo huku watu zaidi ya 45 wakijeruhiwa wengi wao vibaya.
MWISHO.
Hakuna maoni:
Chapisha Maoni