MIILI YA MAREHEMU WA AJALI MUSOMA YATAMBULIWA

Pichani baadhi ya wakazi wa Manispaa ya Musoma wakiangalia baadhi ya miili ya marehemu waliokufa katika ajali (Picha Na Bigambo Jeje)

Na Bigambo Jeje,Musoma

JESHI la Polisi mkoani Mara limesema,miili 36 kati ya 37 ya marehemu wa ajali iliyotokea Septemba 5 mwaka huu eneo la Sabasaba  na iliyohusisha mabasi mawili ya Mwanza Coach na J4 Express na kujeruhi watu 80 imetambuliwa.

 

Kamanda wa Polisi mkoani Mara, Philipo Kalangi amewambia wandishi wa habari ofisini kwake kuwa marehemu hao wametambuliwa na ndugu zao isipokuwa mwili wa Charles Aloys pekee mwenye umri wa miaka 37

 

Kalangi aliwataja maerehemu waliotambuliwa kuwa ni watoto SylvesterAlphonce (2), Alberto Sylvester (3)Fulgence Masinde (4) Mariamu Onesmo(5), Mashiku Ndiga(6 ) mkazi wa Nassa Busega sanjari Ruhumbika Mafuru (7) mkazi wa Nyasho,Sabina Lawrance Masimo (8)  .

 

Wengine ni Kwesu Hamis Kaji mkazi wa Iringo Musoma,Musa Masatu Masuke,Ramadhan Hamis,Jackson Kulomwa,Ibrahim Masatu Nyashinda,Rebeka Mchinjo mkazi wa Mugango Butiama na Kasule Mashauri,Thabiti Sharo,SaidAbdalah,Mamai Sombe,Kasule Mashauri na Frolence Malima.

 

Miili mingine ya marehemu waliotambuliwa ni pamoja na Ramadhan Mrisho ambaye alikuwa kondakta wa basi la Mwanza Coach,Ghati Ndege mkazi wa Kirumi mkazi wa Rorya, Ibrahim Hamis na Dk Anatoria Ntengeki aliyekuwa Mratibu wa Ukimwi mkoa wa Mara sambamba na Benardo Enyasi na mmoja aliyetajwa kwa jina moja la Bonza.

 

Kamanda Kalangi amewataja marehemu zaidi wa ajali hiyo ilyohusisha mabasi mawili kamba wamo pia Juma Sahi Mambina,Jackson Kulondwa,Ernest Marwa,Magoti Juma,Salma Ibrahim mkazi wa Iringo Musoma,Mwamini Ibrahim mkazi wa Mwisenge Musoma,Abdalah Musa,Mwikabi Kichibi na Joshua Ruben aliyekuwa dereva wa basi la J4 Express.

 

Katika hatua nyingine Mganga mfawidhi wa hospitali ya serikali mkoa wa Mara Dk Iragi Nzerageza amesema kuwa miili tisa kati ya hiyo iliyotambuliwa bado imehifadhiwa katika chumba cha maiti hospitalini hapo ikisubiri kuchukuliwa na ndugu na jamaa zao.

 

Dk Nzeregeza ameongeza kwamba marejeruhi 22 kati ya 80 waliopokelewa hospitalini hapo siku ya ijumaa muda mfupi baada ya ajali, bado wamelazwa wakiendelea na matibabu huku hali zao zikiendelea vyema ambapo wengine wameruhusiwa kufuatia hali zao kuimarika wakati baadhi yao wamepelekwa hospitali ya rufaa ya Bugando ya Jijini Mwanza kwa matibabu zaidi.

                                             MWISHO.